Райан Гарсия: “Геннадий Головкин Шон-шуҳрат залига киришга нолойиқ”

Мексикалик бокс юлдузи Райан Гарсия Қозоғистон вакили, собиқ жаҳон чемпиони Геннадий Головкиннинг Халқаро бокс шон-шуҳрат залига киритилиши мумкинлигидан норози.

“Аввало, Головкинда ҳеч қандай катта ғалабалар бўлмаган. У кимни ютган ўзи? Ягона нарса — у узоқ вақт давомида бокснинг супер юлдузи бўлган. Аммо бу уни Шон-шуҳрат зали аъзоси сифатида тан олишга арзимайди, деб ўйлайман. Бу зал — ҳақиқатан ҳам фавқулодда ишларни амалга оширганлар учун. Мен Геннадийни бундай даражадаги боксчи, деб билмайман,” — деди Гарсия "Inside The Ring Show" дастурида.

Эслатиб ўтамиз, Головкин ўз фаолияти давомида WBC, IBF, WBА ва IBO камарларини қўлга киритган ўрта вазн афсоналаридан бири ҳисобланади.