Раян Гарсия: "Онам ҳақидаги гапи учун Лопесдан қон билан қасос оламан!"

Бокс бўйича супер енгил вазн тоифаси WBC камари соҳиби Раян Гарсия Теофимо Лопесга онаси ҳақида гапиргани учун таҳдид қилди.

"Онам кўкрак саратони билан ҳасталанган, Лопес эса онанг учун жонингни ҳам сотасан дея, устимдан кулди. Кўчада кўрсам жанжал қилмайман, аммо мен унга қонли жанг билан жавоб бераман", - деди Гарсия.

Маълумот ўрнида, бир неча кун олдин Гарсия онаси саратон касаллигига чалинганлигини билганди.

Эслатиб ўтамиз, Раян Гарсия (25-1, 20 КО) сўнгги жангини шу йилнинг 20 апрель санасида Девин Хейни(31-1, 15 КО)га қарши ўтказди ва унда очколар ҳисобига кўра ғалаба қозонганди.