Райан Шерки: "Чемпионлик учун курашда таслим бўлмаймиз"

"Манчестер Сити" ярим ҳимоячиси Райан Шерки Англия Премьер-лигасидаги чемпионлик пойгаси ҳақида фикр билдирди.

Яқинда "шаҳарликлар" "Эвертон" билан кечган баҳсда очко йўқотди — 3:3. Шу натижадан кейин "Арсенал" яна чемпионлик учун асосий фаворит сифатида кўрилмоқда.

— Имконият бор экан, умид ҳам яшайди. Шунинг учун биз таслим бўлмоқчи эмасмиз. Барча ўйинларда ғалаба қозонишимиз, имкони борича кўпроқ "қуруқ" ўйин ўтказишимиз ва кўпроқ гол уришимиз керак. Биз фақат битта нарсани ўйлаяпмиз — ғалабани, — деди Шерки.

Бугун "Манчестер Сити" ўз майдонида "Брентфорд" клубини қабул қилади.
Айни вақтда "Манчестер Сити" "Арсенал"дан 5 очко орқада бормоқда, бироқ жамоада захирада яна битта ўйин мавжуд.