"Реал" - "Вильярреал": "Реал"нинг голи бекор қилинди! (матнли трансляция)

Ассалому алайкум, қадрли футбол ихлосмандлари! Испания Ла Лигаси сўнгги туридан ўрин олган "Реал" - "Вильярреал" баҳсига хуш келибсиз. Ўйинни сайтимиз орқали матнли кўринишда кузатиб боришингиз мумкин.

• 90+5'
  

  Учрашув якунланди! "Атлетико" - мавсум чемпиони, "Реал" - кумуш медаллар эгаси. Эътиборингиз учун раҳмат!

• 90+2'
  

  ГОООООООООООООООООООЛЛЛЛ!!! Модрич пушка зарбаси билан дарвозани ишғол қилди! "Реал" сўнгги дақиқаларда ғалабани илиб кетади шекилли...

• 90+'
  

  Учрашувга 4 дақиқа вақт қўшиб берилди.

• 88'
  

  ГОООООООООООООООООООООООООООЛЛЛЛ!!! Карим Бензема ҳисобни тенглаштирди! Чиройли гол. 1:1!

• 86'
  

  Мойсес Гомес Тригореснинг ўрнига ўйинга қўшилди.

• 81'
  

  "Вильярреал"да ўзгариш: Пино ва Морено ўрнига Алькасер ҳамда Раба ўйинга қўшилди.

• 78'
  

  Иско бурчакдан тўпни ўйинга киритиб беради.

• 77'

  "Реал" умидни йўқотиб қўйди чоғи.

• 74'

  Куртуа йўлланган зарбани осон ушлаб олди.

• 72'

  Карим Бенземага бугун нимадир бўляпти... У боши билан тўпни дарвозага йўллай олмади.

• 70'
  

  "Вильярреал" бурчакдан тўпни ўйинга киритиб беради.

• 67'

  Бензема Родриго узатган тўпни жарима майдони ичида ўзига қайтармади ва зарба йўллади... тўпни қайтарганида хавфли вазият юзага келиши мумкин эди!

• 66'
  

  "Вильярреал"да 2 ўзгариш: Бакка ва Капу ўрнига Каклен ҳамда Пенья ўйинга қўшилди.

• 65'

  Родригонинг узатмаси блокланди. "Реал" вобанк ўйнаяпти.

• 61'
  

  "Реал"да 2 ўзгариш: Жуниор ўрнига Родриго, Асенсио ўрнига Иско ўйинга қўшилди.

• 59'
  

  Гол инобатга олинмади. Бензема офсайдда қолиб кетган экан.

• 58'
  

  Бу вазиятда офсайд бўлиши мумкин! Бенземанинг елкаси олдинга чиқиб кетган.

• 57'
  

  Гол бекор қилиниши мумкин! ВАРга мурожаат қилинмоқда.

• 56'
  

  ГОООООООООООООООООООООООЛЛЛ!!! Карим Бензема тўпни боши билан дарвозага жойлаб қўйди! Ҳисоб тенглашди!

• 54'

  Бенземанинг қўлига тўп тегиб кетгани боис ҳужум тўхтатилди.

• 52'

  "Вильярреал" жарима майдони ташқарисида кўпчилик бўлиб борди, бироқ ижро борасида муаммо бўлди.

• 50'

  "Атлетико" таймни фаоллик билан бошлади. Бу ерда "Реал" ҳам фаол старт амалга оширди. Ўйинлар қизимоқда.

• 50'

  Винисиус жарима майдони ичига ёриб кирди ва пас йўлламай, зарба берди. Дарвозабон осонлик билан ушлаб олди.

• 49'

  "Реал" позицион ҳужумда фаол.

• 48'
  

  Бурчакдан тўпни Модрич ичкарига узатиб берди, Вальвердедан ноаниқ уриниш.

• 46'
  

  Иккинчи бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+1'
  

  Биринчи бўлим якунланди! Танаффус.

• 45'
  

  Бурчакдан узатилган тўпни бош билан Каземиро дарвозага йўллади, дарвозабон уни ушлаб олди.

• 44'

  Карим Бенземанинг жарима майдончаси чизиғи устидан йўллаган зарбасига аниқлик етишмади.

• 42'
  

  Бакканинг зарбаси ҳимоячига тегиб йўналишини ўзгартирди, тўпни эгаллаб олган "Вильярреал" аъзоси эса офсайдда экан.

• 41'
  

  Бурчакдан тўпни Модрич узатиб берди, ҳимоячи Морено бугун супер ўйнаяпти.

• 40'

  Модрич Капуга нисбатан қўполлик ишлатди. Жарима зарбаси.

• 38'

  Каземиро жарима майдончаси ичига кўп кросс амалга оширяпти. Ижро борасида муаммолар бор.

• 36'

  Вальверде қарши ҳужумга қочиб кета олмади, тўп аутга чиқиб кетди.

• 34'

  Ухххх! Лука Модрич жарима майдончаси ичида нималар қилиб ташлади! У 2 ҳимоячини алдаб ўтиб кучли зарба йўллади, тўп устуннинг ёнгинасидан ўтиб кетди!

• 32'

  Педразанинг узатмасини Бакка боши билан йўллаган ноаниқ зарбаси билан кўкка совурди.

• 29'

  Этьен Капу қулай имкониятдан фойдалана олмади! Зарба аниқ бўлганида Куртуа уни қайтара олмасди!

• 28'

  Асенсио рақибини қўполлик эвазига тўхтатиб қолди.

• 26'

  Жарима майдончаси ичида тўп қўлга теккан, бироқ ҳакам "Реал" фойдасига пенальти белгиламади!

• 24'

  Вальверденинг боши билан йўллаган зарбасига аниқлик етишмади.

• 24'

  Яхши ўйланган вазият эди, бироқ Асенсионинг боши билан йўллаган зарбасига аниқлик етишмади.

• 23'

  Хавфли вазият юзага келиши мумкин. Тўп олдида Модрич.

• 22'

  "Реал" аъзосига нисбатан қўполлик ишлатилди.

• 19'
  

  ГОООООООООООООООООООООООЛЛЛ!!! Эреми Пино ҳужумни голи билан якунлади! "Реал" ҳам ҳамшаҳаридан сўнг гол ўтказиб юборди!

• 17'

  Этьен Капу ўйин қоидасини бузди. "Реал"да хавфли вазият.

• 15'

  Модрич иккинчи қаватда ютиб берди!

• 14'

  Одриосола тўпни яхши етказиб берди, бироқ ҳужум якунланмади.

• 13'

  Гутьерресда ҳаммаси жойида. У ўйинни давом эттира олади.

• 12'
  

  Гутьеррес майдонда тиббий ёрдам олмоқда.

• 10'

  Бош ҳакам Модрични оғзаки огоҳлантирди.

• 9'

  Альфонсо Педразанинг узатмаси ўз жамоадошига тегиб йўналишини ўзгартирди.

• 8'

  Винисиус жарима майдончаси ичига тўпни етказди, тўпни Бенземадан аввал дарвозабон эгаллаб олди.

• 7'

  Ҳисоб очилиши мумкин эди! Бироқ Эдер Милитао супер тезликда ўз хатосини тўғрилаб, Баккани зарарсизлантирди.

• 5'

  "Реал" ўйинда устунлик қилмоқда. Зидан охиригача курашиш тарафдори.

• 3'

  Бензема жарима майдончаси ичида тўпни ютиб чиққанди, бироқ у тўпни тополмай қолди.

• 2'

  "Вильярреал" ўйинни устунлик билан бошлади. Эмери жамоаси ўз услубида.

• 1'
  

  Учрашув бошланди!