"Реал", "Барселона" ва ПСЖ ёш иқтидорга қизиқиш билдирмоқда

Дортмунднинг "Боруссия" клуби 17 ёшли ҳужумчиси Юсуф Мукокони кўплаб топ-клублар ўз сафига қўшиб олмоқчи.  "Sport.es" нашри журналистларининг ёзишича, футболчининг хизматларига бирданига Европанинг тўртта етакчи жамоаси қизиқиш билдирмоқда - "Реал" Мадрид, "Барселона", "​​Ливерпуль" ва ПСЖ.

Иқтидорли немис форварининг "асаларилар" билан шартномаси 2023 йилнинг ўрталарига қадар амал қилади. Унинг трансфер нархи 15 миллион еврога баҳоланмоқда.

Германия чемпионатининг жорий мавсумида Мукоко ўнта баҳсда қатнашиб, тўртта гол ва иккита голли узатмани амалга оширди.