“Реал”, шу футболчимизни 150 миллион еврога ол!

Англия Премьер-лигасида пешқадамлик қилаётган “Арсенал” раҳбарияти Испания Ла Лигаси етакчиси “Реал”ни жиддий қизиқтириб қўйган юлдузни сотиб юборишга қарор қилди.

Fichajes нашрининг ёзишича, “Қироллик клуби” мутасаддилари Деклан Райснинг маҳоратидан ҳайратда ва у билан ҳамкорлик ўрнатишни истаяпти.

“Канонирлар” бу трансферга қарши эмас. Бироқ мадридликлар англиялик ярим ҳимоячини олиши учун 150 миллион евро тўлаши кераклигини айтилмоқда. Аслида лондонликлар жамоанинг юрагига айланган 26 ёшли футболчи билан хайрлашишга ошиқаётгани йўқ. Аммо клуб ғазнасига мўмай даромад тушириш учун катта суммани қабул қилишга қарши эмас.

Деклан Райснинг “Арсенал” билан амалдаги шартномаси 2028 йилнинг ёзигача давом этади. Transfermarkt экспертлари уни 120 миллион еврога баҳоламоқда.