“Реал”: 100 миллион тўлаб, бу юлдузни олиб кетинг!

“Реал” раҳбарияти кейинги икки мавсумда таркибга Жуд Беллингем ва Килиан Мбаппенинг қўшилиши эвазига иккинчи планга ўтиб қолган Родриго Гоэсни шу ёз ичи сотиб юборишга тайёр.

“Қироллик клуби” ўйинчининг трансфер нархи тушиб кетмасидан уни бошқа клубга ўтказиш йўлини қидиряпти.

Todofichajes нашрининг маълум қилишича, 24 ёшли бразилиялик футболчига ҳозир “Арсенал”, “Манчестер Сити” ва “Челси” қизиқиш билдирмоқда.

Мадрид суперклуби Бразилия терма жамоаси ўйинчисини 100 миллион еврога баҳоламоқда ва шу суммани таклиф қиладиган клубга Родригони жўнатиб юборишга тайёр.

Родригонинг мадридликлар билан яна уч йиллик шартномаси бор. Бу футболчи келажаги ҳақида бир қарорга келишдан аввал янги бош мураббий Хаби Алонсонинг ишончини қозонишга уриниб кўрмоқчи. Бунинг учун универсал ҳужумчи АҚШда бошланган клублар ўртасидаги жаҳон чемпионатида фавқулодда зўр ўйин кўрсатиши керак.