"Реал" 115 млн евролик трансфер бўйича келишувга эришди

«Реал» янги юлдуз билан таркибни кучайтирмоқчи. Европа матбуоти хабар беришича, «Реал Мадрид» ва «РБ Лейпциг» ҳужумкор футболчи Ян Диоманде трансфери бўйича принципиал келишувга эришган.

Маълумотларга кўра, битим яқин кунларда расман эълон қилинади. Мадрид клуби Диоманде учун 115 миллион еврони ошириб тўлашга тайёр. Футболчининг «Реал» билан шахсий шартномаси аллақачон келишиб олингани айтилмоқда.

«РБ Лейпциг» Ян Диомандени 2025 йил ёзида «Леганес» клубидан сотиб олган эди. Африка футболи вакили бўлган вингер халқаро миқёсда Кот-д’Ивуар терма жамоаси шарафини ҳимоя қилади.