“Реал” 18 ёшли футболчиси учун 50 миллион евролик таклиф олди

Европа трансфер бозорида Мадриднинг “Реал” клуби футболчиси Франко Мастантуонога бошқа клублар томонидан билдирилаётган қизиқишлар фаол муҳокама қилинмоқда.

Маълумотларга кўра, Англиянинг “Тоттенхэм” ва “Брайтон” клублари 18 ёшли футболчи учун тахминан 50 миллион евро таклиф қилаётгани айтилмоқда.

“Реал” президенти Флорентино Перес бу таклифларни футболчи трансферига сарфланган маблағларнинг катта қисмини қайтариш имконияти сифатида кўриб чиқмоқда. Мастантуоно ҳозирча асосан ротация футболчилари қаторига киради ва бошланғич таркибда муқим жойига эга эмас.

Истеъдодли ҳужумкор футболчи 2025 йил ёзда Аргентинанинг “Ривер Плейт” клубидан 45 миллион евро эвазига “Реал”га трансфер қилинган эди. Бу аргентиналик футболчи учун рекорд трансфер суммаси бўлган.

Ҳозиргача у “Реал” сафида 24 ўйинда қатнашиб, 3 гол урди ва 1 ассист қайд этди.