«Реал» 19 ёшли ҳужумчи учун 100 миллион таклиф қилди

«Реал» клуби «Лейпциг» таркибида тўп сурётган ёш ҳужумчи Ян Дьомандени ўз сафига қўшиб олишга ҳаракат қилмоқда.

Мадрид жамоаси Кот-д’Ивуар терма жамоаси аъзоси, 19 ёшли футболчи учун 90 миллион евро таклиф этгани, шартномада яна 10 миллион евро миқдорида бонуслар кўзда тутилгани хабар қилинмоқда.

Бироқ «Лейпциг» бу таклифни қабул қилмади ва футболчи учун камида 100 миллион евро талаб қилмоқда.

Томонлар ўртасида музокаралар ҳали ҳам давом этмоқда.