“Real” 2026 yilda besh futbolchi bilan xayrlashmoqchi

Nufuzli manbalardan hisoblangan The Athletic nashrining xabar berishicha, “Real” rahbariyati 2026-2027 yilgi mavsum oldidan tarkibda sezilarli darajada o‘zgarish qilishni rejalashtirmoqda.

Eng katta yangilanish himoya chizig‘ida bo‘lishi kutilyapti.

So‘nggi ma’lumotlarga qaraganda, avstriyalik himoyachi David Alaba Madrid superklubidagi oxirgi oylarini o‘tkazmoqda. Uning ketishi tobora oydinlashib boryapti.

“Qirollik klubi” rahbariyati yana ikki nafar tajribali himoyachi – Antonio Ryudiger va Dani Karvaxal bilan ham xayrlashishga tayyor. Shartnomasi oxirlab borayotgan bu himoyachilarning kelajagi mavsumning qolgan qismini qay darajada o‘tkazishiga bog‘liq bo‘lishi aytilmoqda.

Bundan tashqari, klub xo‘jayinlari 2028 yilgacha davom etadigan shartnomasi borligiga qaramay, fransiyalik himoyachi Ferlan Mendi bilan xayrlashish variantini ham ko‘rib chiqadiyu

Hujum chizig‘iga kelsak, madriddliklar kelasi yozdan boshlab, braziliyalik Rodrigо bilan katta summa evaziga xayrlashishga tayyor, ammo uning o‘yini va jamoa samaradorligiga ta’siri sezilarli darajada yaxshilanishi rejalari o‘zgartirishi mumkin.