"Реал" А Сериядаги футболчисини ортга қайтармоқчи
У Италияда ўзини кўрсата олди.
"Реал" раҳбарияти "Милан"да ижарада тўп сураётган ярим ҳимоячи Браим Диасни ортга қайтармоқчи. Бу ҳақда AS нашри хабар бермоқда.
Юқоридаги манбага кўра, мадридликлар 21 ёшли футболчини ёзда жамоадан кетиши кутилаётган Лукас Васкес ўрнига муносиб номзод сифатида кўрмоқда.
Эслатиб ўтамиз, Диас “Милан”га мавсум аввалида келиб қўшилган ва 1 йиллик шартнома имзолаган эди. У жорий мавсум 31 та ўйинда майдонга тушди ва ўз ҳисобига 5 та гол ҳамда 3 та голли узатма ёздириб қўйди.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар