"Реал" Англия терма жамоаси ҳимоячиси билан шартнома имзоламоқчи

"Реал Мадрид" раҳбарияти Англия терма жамоаси ва "Кристал Пэлас" ҳимоячиси Марк Гехи билан музокаралар олиб бормоқда.

AS нашри хабарига кўра, "қироллик клуби" 25 ёшли инглиз футболчиси билан музокараларнинг биринчи босқичини ўтказган. Мавсум якунланганидан сўнг Гехи эркин агентга айланади. Қайд этилишича, футболчининг ўзи ҳам "Реал"га ўтишни истамоқда. Шу билан бирга, унга "Ливерпуль" ва "Барселона" клублари ҳам қизиқиш билдирмоқда.

Маълумот учун, жорий мавсумда Марк Гехи Англия чемпионати доирасида "Кристал Пэлас" сафида 17 та учрашувда майдонга тушиб, 2 та гол ва 2 та голли узатма муаллифи бўлган. Ҳимоячи 2021 йилдан буён "шишасозлар" шарафини ҳимоя қилиб келмоқда.