“Real” Angliyadagi eng zo‘r himoyachini olib keladi

“Real” klubi rahbariyati “Liverpul” bilan hamkorlik shartnomasini yakunlanayotgan Virjil van Deykni o‘z safiga qo‘shib olishni rejalashtirmoqda.

TBR Football nashrining ma’lum qilishicha, madridliklarga 33 yoshli markaziy himoyachini erkin agent sifatida bepul olish varianti jozibador kzrinmoqda.

“Liverpul” jamoa sardori bilan hamkorlikni uzaytirishga tayyor, biroq tomonlar bu boradi hali bir to‘xtamga kelgani yo‘q.

Niderlandiyalik  himoyachida tanlov imkoniyati katta. Unga “Real”dan tashqari “Atletiko”, “Bavariya” va “Pari Sen-Jermen” kabi qudratli klublar ham ish berishga tayyor.

Van Deyk 2018 yildan beri liverpulliklar sharafini himoya qilib kelmoqda. Ilgari professional darajada “Sautgempton”, “Seltik” va “Groningen” klublarida to‘r tepgan.