“Реал” Англиядан ҳали танилмаган истеъдодни топди

“Реал” келаси ёзда очиладиган трансфер ойнасига ҳозирдан тайёргарлик кўриб, таркибни кучайтириши мумкин бўлган ўйинчилар рўйхатини тузмоқда.

TodoFichajes нашрига кўра, “Қироллик клуби” скаутлари Англиядан “Реал” талабларига мос тушадиган иқтидорли ижрочини топди.

“Сандерленд”да ўйнаётган 17 ёшли Крис Ригг мадридликлар назарини ўзига тортди. Ярим ҳимоячига бир қатор грандлар, хусусан, “Манчестер Юнайтед” ва “Боруссия Дортмунд” ҳам кўз тикмоқда.

Ҳозирча, Transfermarkt порталида Риггнинг трансфер нархи 300 минг евро экани кўрсатилган. Экспертлар тез орада бу сумма кескин кўтарила бошлашини таъкидламоқда.