“Реал” АПЛ клуби бош мураббийини олиб келиши мумкин

"Астон Вилла" бош мураббийи Унаи Эмери "Реал Мадрид" мураббийи лавозимига эҳтимолий номзодлардан бири сифатида кўрилмоқда. Бу ҳақда talkSPORT хабар бервш.

Манба маълумотига кўра, Испания клуби раҳбарияти 54 ёшли мутахассисни амалдаги мураббий ўрнига номзодлар рўйхатига киритган ва у асосий вариантлардан бири ҳисобланади.

Эмери 2022 йилнинг кузида "Астон Вилла"ни бошқарган ва унинг инглиз клуби билан амалдаги шартномаси 2029 йилгача мўлжалланган. Шу билан бирга, бирмингемликларнинг молиявий чекловлари фонида испанияликни "Реал"да ишлаш қизиқтириши мумкинлиги таъкидланмоқда.

Ҳозирда "Астон Вилла" мавсумдаги 35 ўйинда 58 очко жамғариб, АПЛ турнир жадвалида бешинчи ўринда бормоқда.

Бундан ташқари, жамоа еврокубокларда иштирок этишни давом эттирмоқда. Европа лигаси ярим финалида клуб "Ноттингем" билан учрашади. Биринчи ўйин "Вилла"нинг 0:1 ҳисобидаги мағлубияти билан якунланди, жавоб учрашуви 7 май куни бўлиб ўтади.

У аввалроқ Испания чемпионатида ишлаган, "Алмерия", "Валенсия", "Севиля" ва "Вилярреал"ни бошқарган.