“Реал” Арбелоа ўрнига янги мураббий танлади

Мадриднинг “Реал” клуби келаси мавсум олдидан Альваро Арбелоа ўрнига бош мураббийликка тайинланиши мумкин бўлган мутахассислар рўйхатига Маурисио Почеттинони ҳам киритди.

Бу ҳақда ESPN нашри Х ижтимоий тармоғида хабар берди.

Манба маълумотига кўра, клуб янги спорт лойиҳаси раҳбари лавозими учун турли номзодларни кўриб чиқмоқда.

Почеттино “Реал” президенти Флорентино Перес томонидан юқори баҳоланадиган мураббийлардан бири ҳисобланади. Ҳозирда аргентиналик мураббий АҚШ миллий терма жамоасини бошқармоқда.

Альваро Арбелоа 2026 йил 12 январда Хаби Алонсо кетганидан кейин “Реал” бош мураббийи этиб тайинланган эди. Бироқ унинг қўл остида жамоа қайд этаётган натижалар клуб раҳбариятини тўлиқ қониқтираётгани йўқ.