"Реал" барибир Бундеслига юлдузини келаси ёз қўлга киритмоқчи!

"Штутгарт" ярим ҳимоячиси Анжело Штиллер Мадриднинг "Реал" клуби трансфер радаридан ҳали ҳам чиқмаган. Бундеслига клубининг етакчиси ўтган ёздаёқ "қироллик клуби"нинг эҳтимолий номзодлар рўйхатида бўлган, аммо ўшанда музокаралар амалга ошмаган эди.

Журналист Экрем Конурнинг хабарига кўра, мадридликлар раҳбарияти ҳозир ҳам хавбекнинг ўйинини диққат билан кузатмоқда ва келаси ёзда уни трансфер қилиш имкониятини кўриб чиқишга тайёр.

Футболчининг шартномасида 40 миллион евро миқдоридаги озод қилиш банди мавжуд. Жорий мавсумда 24 ёшли Штиллер 11 ўйинда майдонга тушиб, 1 та гол ва 4 та голли узатмани амалга оширган.

Transfermarkt портали футболчининг бозор қийматини 45 миллион евро деб баҳолаган.