"Реал" "Барселона"ни қўллаб-қувватлаяпти

"Radioestadio" журналисти Эду Пидалнинг хабарига кўра, "Реал" Дани Ольмони рўйхатга олишга тўлиқ розилик берди. Мадрид клуби ҳозирда Суперлига лойиҳаси энг муҳим вазифалардан бири бўлиб, бу мақсадда асосий шерикларидан бири бўлган "Барселона" билан муносабатларни ёмонлаштиришни истамаяпти.

Шунингдек, "Defensa Central" "Relevo"га таяниб хабар беришича, "Реал" президенти Флорентино Перес сўнгги ассамблеяда Ольмо рўйхатга олиш масаласини кўтарган: "Барселона"ни тинч қўйиш керак, у бизнинг ҳамкоримиз, рақибимиз эмас".

Эду Пидалнинг таъкидлашича, Ольмо рўйхатга киритилишига фақат учта клуб норози бўлган: "Атлетик", "Севилья" ва "Атлетико Мадрид".