"Реал" Бундеслига клубидан ҳимоячи сотиб олади

"Байер" ҳимоячиси Жереми Фримпонг фаолиятини Испания чемпионатида давом эттириш имконияти мумкин. Унинг хизматларига "Реал" қизиқиш билдирмоқда.

Goal.com нашрининг ёзишича, "қироллик клуби" 22 ёшли нидерландиялик футболчи учун ёзда “доришунослар”га таклиф билан чиқади. Потенциал трансфер қиймати эса 35 миллион еврога баҳоланмоқда.

Фримпонг бу мавсум Германия Бундеслигасида жами 31 та ўйинда майдонга тушиб, 8 та гол урди ва 6 та голли узатмани амалга оширди. Унинг ҳисобида тўртта сариқ карточка ҳам бор.

Футболчининг "Байер" билан шартномаси 2026 йилнинг ёзига қадар тузилган.