“Реал” чемпион жамоа қўйган шартга кўнди

“Реал” 25 июнь куни бошланадиган клублар ўртасидаги жаҳон чемпионатигача “Ливерпуль” билан ҳамкорлиги тугаётган Трент Александер-Арнольдни ўз сафига қўшиб олмоқчи.

The Sun нашрининг ёзишича, ўнг қанот ҳимоячисини эртароқ қўлга киритиш учун “Қироллик клуби” раҳбарияти “Ливерпуль”га бир миллион евро тўлашга розилик берди. Чунки англиялик ўйинчининг амалдаги шартномаси 30 июнгача давом этиши белгилаб қўйилган.

Аввалроқ, Европа матбуоти “Қироллик клуби” Трент Александер-Арнольдни муддатидан олдин қўйиб юбориш масаласида ливерпулликларга мурожаат қилгани ҳақида ёзганди.

“Ливерпуль” раҳбарияти ўз тарбияланувчиси билан якунланаётган шартномани бир неча кун олдин бекор қилиш учун 1,5-2 миллион евро миқдорида бадал пули талаб қилган. Бундан ташқари, ливерпулликлар Трент Александер-Арнольд клубни 30 июндан эрта тарк этса, шу ой учун маоши берилмаслигини ҳам таъкидлаган.