"Real"da Mourin'yoning ikki muammosi aytildi

«Real» bosh murabbiyi Joze Mourinyo Madriddagi yangi mavsumni nisbatan omadli boshladi. Jamoa La Ligada uch bor g‘alaba qozondi, bir marta mag‘lubiyatga uchradi. 

Shu bilan birga, portugal mutaxassis oldida hal etilishi kerak bo‘lgan ikki muhim masala borligi aytilmoqda. Bu haqida Cadena SER xabar berdi.

Manbaga ko‘ra, Mourinyo joriy mavsumda «Real» tarkibini qisqa, taxminan 22 nafar futbolchidan iborat qilishni rejalashtirgan edi. Ammo amalda vaziyat boshqacha shakllandi: Madrid klubi ixtiyorida 25–26 nafar o‘yinchi qolmoqda. Bu esa tarkibni tanlash va o‘yin amaliyotini adolatli taqsimlash bo‘yicha qo‘shimcha muammolarni keltirib chiqaradi.

Shuningdek, Mourinyo hali Orelien Tchuameni bilan bog‘liq masalani ham aniqlab olishi kerak. Federico Valverde mavsumni juda faol va ishonchli boshladi. Endi esa Tchuameni bu mavsumda qay darajada va qay pozitsiyada asosiy rol o‘ynashi noma’lumligicha qolmoqda.