"Реал"да Моуриньонинг икки муаммоси айтилди

«Реал» бош мураббийи Жозе Моуриньо Мадриддаги янги мавсумни нисбатан омадли бошлади. Жамоа Ла Лигада уч бор ғалаба қозонди, бир марта мағлубиятга учради. 

Шу билан бирга, португал мутахассис олдида ҳал этилиши керак бўлган икки муҳим масала борлиги айтилмоқда. Бу ҳақда Cadena SER хабар берди.

Манбага кўра, Моуриньо жорий мавсумда «Реал» таркибини қисқа, тахминан 22 нафар футболчидан иборат қилишни режалаштирган эди. Аммо амалда вазият бошқача шаклланди: Мадрид клуби ихтиёрида 25–26 нафар ўйинчи қолмоқда. Бу эса таркибни танлаш ва ўйин амалиётини адолатли тақсимлаш бўйича қўшимча муаммоларни келтириб чиқаради.

Шунингдек, Моуриньо ҳали Орельен Тчуамени билан боғлиқ масалани ҳам аниқлаб олиши керак. Федерико Вальверде мавсумни жуда фаол ва ишончли бошлади. Энди эса Тчуамени бу мавсумда қай даражада ва қай позицияда асосий роль ўйнаши номаълумлигича қолмоқда.