"Реал"дан кетиши кутилган Тчуамени муҳим қарор қабул қилди

«Реал» жамоасининг ярим ҳимоячиси Орельен Тчуамени Мадрид клуби билан шартномасини 2031 йилгача узайтирди. Бу ҳақда хабар берган Madrid Universal нашрига кўра, клуб ҳали расмий баёнот эълон қилмаган.

Манба маълумотига кўра, француз футболчиси шартнома шартларини бир неча ой аввалоқ келишиб олган, аммо келишувни расман расмийлаштириш энди якунланган.

Тчуамени 2022 йил ёзида «Монако» клубидан «Реал» сафига қўшилган эди. У жамоада Каземиро учун узоқ муддатли ўринбосар сифатида кўрилган. Мадрид клубида ўтган вақт давомида француз футболчисининг ўйинида турли паллалар кузатилган, шунга қарамай, у барча мураббийлар қўл остида муҳим фигура бўлиб қолди.

Аввалроқ Мадрид клуби Арда Гюлер билан ҳам шартномани узайтиргани маълум қилинган, яқин вақт ичида эса Джуд Беллингем билан ҳам шундай келишув эълон қилиниши кутилмоқда.