"Реал" дарвозасини "Барселона" тарбияланувчиси қўриқлаши мумкин

Мадриднинг "Реал" клуби "Аякс" дарвозабони Андре Онанани ўз сафиша қўшиб олмоқчи. Бу ҳақда Tuttomercatoweb нашри хабар тарқатмоқда.

Юқоридаги манбаага кўра “қироллик клуби” 23 ёшли камерунлик футболчини келажакда асосий таркиб дарвозабонига айлантирмоқчи. Айтиш керакки ҳозирда “Реал”нинг асосий посбони ҳисобланган Тибо Куртуа тез-тез танқидларга учраб туради.

Маълумот учун,  Онана асли “Барселона” тарбияланувчиси ҳисобланади. У жорий мавсум “Аякс” сафида 22 та ўйинда майдонга тушди ва ўз дарвозасидан 18 та гол ўтказиб юборди. Унинг клуб билан амалдаги шартномаси 2022 йилга қадар имзоланган.