"Реал" Диасни ижарага бериб юборади

Мадриднинг “Реал” клуби ҳужумкор ярим ҳимоячиси Браим Диас мавсум якунлангач бошқа жамоага ижарага бериб юборилади. Бу ҳақда Marca нашри хабар тарқатмоқда.

Таъкидлаш керакки, унинг ижарага бериб юборилиш масаласи Зинедин Зиданнинг жамоага қайтишидан олдин кўриб чиқилган. Мадридликлар 19 ёшли футболчини кўпроқ ўйин амалиётига эга бўлиши учун ҳам айнан шундай қарорга келишган.

Эслатиб ўтамиз, Диас “Реал” сафига жорий йилнинг январида кўчиб ўтган эди.