"Реал" ЕЧЛ умумий босқичида 9,2 млн евро йўқотди ва яна 11 млн евродан маҳрум бўлиши мумкин

Мадриднинг "Реал" клуби Чемпионлар Лигаси умумий босқичида 9,2 млн евро йўқотди. "Ливерпуль", "Манчестер Сити" ва "Бенфика" билан ўйинлардаги мағлубиятлар натижасида "қаймоқранглилар" 6,3 млн евродан айрилди. Сўнгги турда жадвалда учинчи ўриндан тўққизинчи ўринга тушиб кетгани туфайли "Реал" яна 1,9 миллион евро йўқотди. "Қироллик клуби" 1/8 финалга тўғридан-тўғри йўл олиши мумкин бўлган 2 миллион евро ўрнига мусобақанинг плей-офф ўйинларига киргани учун 1 миллион евро олди. Бу ҳақда AS хабар бермоқда.

Манбага кўра, агар Испания гранди Чемпионлар Лигаси 1/8 финалида иштирок этиш ҳуқуқи учун плей-офф босқичидан чиқиб кетса, яна 11 млн евро йўқотиши мумкин. Шу билан бирга, умумий босқич якунларига кўра, "Реал" 39 миллион евро олди.

Плей-офф босқичида "қаймоқранглилар" "Бенфика" билан куч синашади.