Ла Лига 5-туридан ўрин олган учрашувда "Реал" ўз майдонида "Кадис"ни қабул қилди.

Ўйиндаги ягона гол 16-дақиқада Лосано томонидан киритилди. Мадридликлар қанча ҳаракат қилмасин, рақиб постига йўл топа олмади.

Ушбу натижадан сўнг, онлайн турнир жадвалида "Реал" пешқадамликни сақлаб қолган бўлса, "Кадис" 2-ўринга кўтарилиб олди.

Реал Мадрид

    Примера Дивизион 6-тур

    17/10/2020, 22:30

    0
    :
    1
    Тугади

    Кадис

    • Энтони Лосано 16'

    Стадион: Alfredo Di Stefano 0 томошабин

    Бош ҳакам: Jaime Latre

    45'
    90'

    • 90+3'

      Учрашув якунланди! Матнли трансляция Жавоҳир Азимов томонидан олиб борилди.

    • 90+2'

      Эдер Милитао огоҳлантирилди.

    • 90'

      Асосий вақтга 3 дақиқа қўшилди.

    • 86'

      Фернандес ва Изкуеро майдонга тушди. Алекс ҳамда Йонссон захирага олинди.

    • 82'

      Жуниорнинг зарбасига бироз аниқлик етишмади.

    • 81'

      Бенземанинг зарбаси устунга тегди! "Реал" кеч бўлса-да уйғонди!

    • 81'

      Бош ҳакам голни бекор қилди. Бензема воқеалар ривожидан илгарилаб кетган экан.

    • 80'

      ГООООООООООЛЛЛЛЛЛЛ! Йович ҳисобни тенглаштирди!

      Бенземанинг узатмасидан сўнг очиқ дарвоза қаршисида қолган ҳужумчи осонгина гол урди!

    • 78'

      Тони Кроос ўз ўрнини Лука Йовичга бўшатиб берди.

    • 76'

      Асенсио рақиб жарима майдони ичида йиқилиб тушди. Ҳакам унга ўрнидан туриши кераклигини уқтирди.

    • 73'

      "Реал"га ҳужумларини якунлайдиган футболчи етишмаяпти.

    • 70'

      Винисиус рақибини алдаб ўта олмади.

    • 67'

      Крооснинг идеал узатмасига Жуниор баланд сакраган ҳолда зарба берди. Бироқ зарбага бироз аниқлик етишмади.

    • 66'

      Марсело марказга оширилган тўп йўлига тўғаноқ бўлди.

    • 63'

      Бензема тўпни ўзидан узоқлаштириб юборди. Яна бир вазият бой берилди.

    • 62'

      "Реал"нинг навбатдаги ҳужуми ҳам бесамар якунланди.

    • 61'

      Мадридликлар бурчак зарбаси ишлаб олди.

    • 58'

      Спринтерлик пойгасида Варан Негредодан устун келди.

    • 57'

      Қанотдан оширилган тўпга зарба берган Негредонинг уриниши бироқ ноаниқ кетди.

    • 55'

      Жуниорнинг навбатдаги зарбасига бироз аниқлик етишмади. Қайд этиш жоиз, мўлжал аниқлашмоқда.

    • 53'

      Мадридликларнинг ноаниқ узатмалар серияси яна бошланди.

    • 51'

      Начо ўйиндан ташқари ҳолатда қолиб кетди.

    • 49'

      Жуниорнинг зарбаси Бенземага тегиб, майдонни тарк этди.

    • 48'

      Ўзгаришлар амалга оширилганидан кейин "Реал" кетма-кет ҳужумлар уюштирмоқда.

    • 46'

      Иккинчи тайм бошланди!

    • 46'

      Бўлимлар оралиғида мезбонлар сафида ўзгариш: Эдер Милитао, Марко Асенсио, Вальверде ҳамда Каземиро майдонга тушди. Уларнинг ўрнига Серхио Рамос, Васкес, Иско ва Лука Модрич захирага олинди.

    • 46'

      Футболчилар майдонга қайтди. Биз ҳам қайтамиз!

    • 45+1'

      Танаффус!

    • 45'

      Биринчи таймга 1 дақиқа қўшиб берилди.

    • 43'

      Лосано Куртуанинг хатосидан фойдалана олмади. У дарвозабондан тўп ўтишини кутмаган эди.

    • 41'

      Винисиуснинг чалқанча услубда берган зарбаси кучсиз ва ноаниқ чиқди.

    • 40'

      "Реал" ҳимоясида палапартишлик юзага келмоқда.

    • 38'

      Бурчакдан оширилган узатмага Варан боши билан зарба берди. Тўп устун ёнгинасидан ўтиб кетди.

    • 37'

      Лукас Васкеснинг Бензема томон узатган тўпи манзилга етиб бормади. "Кадис" ҳимоячилари яхши ҳаракат қилмоқда.

    • 34'

      Рақибига нисбатан қўпол ўйнагани учун Рамос огоҳлантирилди.

    • 33'

      Крооснинг узоқ масофадан йўллаган яна бир зарбаси жуда ноаниқ кетди.

    • 30'

      Лосанонинг яқин масофадан йўллаган хавфли зарбасини Куртуа қайтарди. "Реал" ўзига келмаса бўлмайди.

    • 28'

      Рамос ва Лосано ўзаро тўқнашиб кетди. Иккисига ҳам тиббий ёрдам керак.

    • 27'

      Навбатдаги сафар ҳам Иско шерикларига тўпни етказиб бера олмади. Зич ҳимояланаётган меҳмонлар имконият қолдирмаяпти.

    • 25'

      Меҳмонлар рақиб ҳужумларини усталик билан қайтармоқда. Узатмалар йўлига қўйилаётган тўсиқлар мадридликлар учун муаамо туғдирмоқда.

    • 23'

      Крооснинг зарбасига анча ноаниқ кетди. "Реал" жарима майдонига киришга қийналмоқда.

    • 21'

      "Қаймоқранглилар"нинг узатмалари манзилга етиб бормаяпти. Тўп шунчаки йўқотилмоқда.

    • 19'

      Марселонинг жарима майдонига оширган тўпига жамоадошлари эга чиқа олмади. Кетма-кет ҳужумлар бесамар якунланмоқда.

    • 16'

      ГООООООООООЛЛЛЛЛЛЛ! "Кадис" ҳисобни очди!

      Негредонинг узатмасидан сўнг бирга-бир вазиятга чиққан Лосано Куртуа устидан тўпни ошириб қўйди!

    • 15'

      Исконинг марказга узатмасини дарвозабон ортиқча қийинчиликсиз ушлаб олди.

    • 14'

      Яна бир жуда завфли зарбани Куртуа қайтарди. Мадридликлар ўзларига келмаса, гол ўтказиб юбориши тайин.

    • 13'

      Негредонинг зарбаси анча хавфли чиқди. Меҳмонлар ҳужумкор ўйин кўрсатмода.

    • 10'

      Бенземанинг жарима майдони ташқарисидан берган зарбаси дарвозабонга ортиқча муаммо туғдирмади.

    • 8'

      Лосанонинг зарбасини Куртуа қайтарди.

    • 7'

      Мадридликлар тўп назоратини қўлга олишга уринмоқда.

    • 4'

      Винисиуснинг узатмасига на Иско, на Модрич ета олмади.

    • 2'

      Ҳисоб очилишига бир баҳя қолди! Рамос дарвозага кириб кетаётган тўпни қайтарди.

    • 1'

      Учрашув бошланди!

    • 0'

      Футболчилар майдонга тушиб келди. Баҳс яқин дақиқалар ичида старт олади.

    Матнда хатолик топсангиз, ўша хатони белгилаб, бизга жўнатинг (Ctrl + Enter)
    /*desktop-news-footer*/

    Минбар

    Барча блоглар