“Real” eng tajribali futbolchisidan osongina voz kechdi

“Real” klubi rahbariyati jamoa sardori Daniel Karvaxal bilan xayrlashishga qaror qildi. O‘ng qanot himoyachisi joriy mavsum oxirida “Qirollik klubi”ni tark etadi.

Bu haqda El Nacional xabar bermoqda.

Manba ma’lumotlariga ko‘ra, klub xo‘jayinlari 33 yoshli futbolchiga yangi mehnat shartnomasi taklif qilmoqchi emas. Amaldagi kelishuv 30 iyun kuni tugaydi.

Karvaxal “Real”ning eng sodiq futbolchilaridan hisoblanadi. U 2013 yildan beri poytaxt klubi sharafini himoya qilib kelmoqda.

Dani “Real” akademiyasi “Kastilya”dan etishib chiqqan. 2012-2013 yillar davomida bir mavsum Bundesligada “Bayer”ga borib tajriba oshirib kelganidan beri “Real”dan hech qayoqqa o‘tmay yurgandi.

Jarohatlarga moyil bo‘lib qolgan Karvaxalning bugungi kundagi bozor qiymati etti million evroni tashkil etmoqda. Joriy mavsumda bu himoyachi Ispaniya chempionatida ettita va Chempionlar ligasida bitta uchrashuvda qatnashdi xolos.