“Real” Evropa chempionatidan zo‘r o‘yinchi topdi

“Real” tarkibini kuchaytirishda davom etadi. Jamoa sardori Nacho Fernandes Madridni tark etganidan keyin “Qirollik klubi” uning o‘rniga darrov boshqa o‘yinchi qidira boshladi.

The Sun nashrining yozishicha, Ispaniya chempioni e’tiborini “Kristal Pelas” va Angliya terma jamoasi markaziy himoyachisi Mark Gexiga qaratdi.

23 yoshli futbolchi Angliya terma jamoasi tarkibida Evropa chempionatidagi o‘yinlari orqali yuqori darajada to‘p tepishga qodirligini ko‘rsatdi. Gexining Germaniya maydonlaridagi o‘yini madridliklar nazariga tushgani aytilmoqda.

“Kristal Pelas” Gexi transferi orqali mo‘may daromad ishlab olishi mumkin. Angliyaliklar o‘z o‘yinchisini 50 million funtga baholamoqda.