“Реал” фанатлари клуб президентини йўқотмоқчи

Мадриднинг “Реал” клуби мухлислари Ла Лиганинг 26-турида “Хетафе”га қарши ўтказилган уй учрашувидаги 0:1 ҳисобидаги мағлубиятдан сўнг клуб президенти Флорентино Переснинг кетишини талаб қилмоқда.

Журналист Мигель Анхель Торибионинг маълум қилишича, ўйиндан кейин “Сантьяго Бернабеу” трибуналарида “Флорентино — истеъфога!” деган шиорлар янграган.

Бу “Реал” учун Ла Лигада кетма-кет иккинчи, жамоанинг янги бош мураббийи Альваро Арбелоа учун эса 12 ўйиндаги тўртинчи мағлубият бўлди.

“Реал” 26 та учрашувдан кейин  60 очко жамрғарган ҳолда иккинчи ўринда бормоқда. Пешқадам “Барселона” ҳисобидаги очколар сони 64 тага етди ва мадридликларнинг кетма-кет муваффақиятсизлиги фонида очколар орасидаги фарқ ўсиб бормоқда.