"Реал" футболчиси ўзига янги жамоа танлади. Бу клубга ёқмади

18 ёшли аргентиналик ҳужумчи Франко Мастантуоно ўз юртидаги «Ривер Плейт» клубига ижара асосида ўтишни истамоқда. Бу ҳақда футбол журналисти Рамон Альварес де Мон хабар берди.

«Реал» раҳбарияти ҳозирча ёш футболчига асосий таркибда доимий ўйин амалиётини ваъда қила олмаяпти. Шу боис клуб унга тажриба тўплаши мумкин бўлган жамоа изламоқда. Бироқ мадридликлар «Ривер Плейт» вариантига ижобий қарамаяпти, чунки Мастантуононинг айнан Европада ўйнашини афзал кўришмоқда.

Аввалроқ ҳужумчига «Ювентус», «Комо» ва «Интер» клублари ҳам қизиқиш билдиргани маълум қилинган эди. Аргентиналик футболчининг «Реал» билан тузган шартномаси 2031 йил ёзига қадар амал қилади.