«Реал» ҳимоячиси Италияга ўтиш арафасида

Мадриднинг «Реал» клуби тарбияланувчиси Виктор Вальдепеньяс яқин орада «Фиорентина» сафини тўлдириши мумкин.

Инсайдер Николо Скира тарқатган маълумотга кўра, «Фиорентина» ва «Реал» 19 ёшли футболчи бўйича музокараларни якуний босқичга олиб чиқди. Таъкидланишича, италияликлар ёш ҳимоячи учун 7,5 миллион евро тўлайди. Шу билан бирга, «Реал» футболчининг кейинги трансферида тушадиган маблағнинг ярмига даъвогар бўлади.

Агар келишув муваффақиятли якунланса, Вальдепеньяс «фиалкалар» билан 2031 йилгача мўлжалланган шартнома имзолайди. 

Шунингдек, «Реал» шартномада назарда тутилган махсус банд орқали футболчини қайта сотиб олиш ҳуқуқини сақлаб қолади.

Вальдепеньяс «Реал»нинг асосий таркибида ҳозирча фақат битта ўйинда майдонга тушган.