"Реал" ҳужумчиси Лука Йович фаолиятини Англия премьер-лигасида давом эттириши мумкин.

90min тарқатган хабарга кўра, 22 ёшли сербиялик футболчини "Вест Хэм" ва "Ньюкасл" клублари ёзда ўз сафига қўшиб олишга уруниб кўради. “Қироллик клуби” эса уни фақат ижарага беришни режалаштирмоқда. Аммо, Лондон клуби Йовични тўлиқ сотиб олиш истагида.

Лука Йович учун “Милан” ҳам асосий даъвогар эканини унутмаслик лозим. “Россонерилар” унинг трансфери учун 35 млн евродан воз кечишга тайёр.

Йович жорий мавсум “Реал” сафида 24 та ўйинда майдонга тушди ва 2 та гол ҳамда 2 та голли узатмага муаллифлик қилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)