“Реал” иш бермаётган юлдузга учта клуб даъвогар

Арда Гюлернинг “Реал”даги келажаги аниқ эмас. Бош мураббий Карло Анчелотти туркиялик ёш истеъдод эгасига етарли даражада ўйин амалиёти бераётгани йўқ ва асосан тажрибали ўйинчилар – Браим Диас, Родриго ва Жуд Беллингемга суяняпти. 

Гарчи Гюлер бу мавсум барча турнирларда 29 маротаба майдонга тушган бўлса-да, жами ўйнаган вақти атиги 1081 дақиқани ташкил қилади. Шунга қарамай, Арда ўз ҳисобига учта гол ва бешта ассист ёздириб қўйди. 

Турк футболчи атрофидаги вазиятни бир неча клублар кузатиб бормоқда. Хусусан, Италиядан “Милан” ва “Интер”, Испаниядан “Реал Сосьедад” ҳужумкор ўйинчига иш беришга тайёр экани маълум бўлди. 

Арданинг ўзи ҳам мунтазам ўйин амалиётига эга бўлиш учун жамоасини янгилашга қарши эмас.