“Реал” жаҳон юлдузини текинга олади

Навбатдаги ёзги трансферлар ойнаси Германия терма жамоаси ва “Бавария” ярим ҳимоячиси Йозуа Киммих фаолиятида кескин бурилиш ясаши кутилмоқда.

Тажрибали ўйинчининг мюнхенликлар билан янги шартнома борасидаги музокаралари барбод бўлди. Табиийки, Киммих даражасидаги футболчи ишсиз қолмайди.

Унинг атрофидаги вазиятни кузатиб бораётган гранд клублар ҳаракатга тушиб қолди. Киммихга даъвогарлар орасида “Реал” идеал вариант сифатида қабул қилинмоқда. Киммихнинг ярим ҳимоячи позициясидан ташқари ўнг қанот ҳимоячиси сифатида ўйнаш олиши мадридликларга жуда маъқул келмоқда.

30 ёшли футболчининг катта тажрибаси, тактик интеллекти, техник сифатлари ҳар қандай клубга мос келиши айтилмоқда.

Айниқса, Киммихни ёзда эркин агент сифатида бепул қўлга киритиш имконияти “Қироллик клуби”нинг бу юлдузга қизиқишини ошириб юборди.