“Реал” Кейн трансферидан воз кечди, ўрнига жаҳон чемпиони келади

“Реал” ҳали Карим Бенземанинг ўрнини босадиган ҳужумчи топгани йўқ. Клуб бу позицияга Ҳарри Кейнни олиб келмоқчи эди.

Хусусан, жамоа бош мураббийи Карло Анчелотти англиялик ҳужумчига жиддий қизиқиш билдиряпти. Бироқ, мадридликларга “Тоттенхэм” 29 ёшли футболчи учун 115 миллион евро талаб қилаётгани тўғри келмаяпти.

TodoFichaes нашрининг маълум қилишича, “Қироллик клуби” Кейн вариантидан воз кечиб, ўрнига Лаутаро Мартинесни олиб келмоқчи.

Бунга иккита сабаб бор. Биринчидан, Аргентина терма жамоаси сафида жаҳон чемпиони бўлган футболчини 80 миллион еврога трансфер қилиш имкони бор. Иккинчидан Лаутаро Кейндан тўрт ёш кичик ва жамоада узоқ муддат ўйнаши мумкин.