“Реал” Куртуа ўрнига уч дарвозабон топди

Мадриднинг “Реал” клуби асосий дарвозабон Тибо Куртуа ўрнини босишга қодир янги голкипер қидиришни бошлади.

Бунга бельгиялик дарвозабоннинг 2026 йилги жаҳон чемпионатида Испанияга қарши баҳсда олган жароҳати сабаб бўлган.

Ҳозирча “Реал” шошилинч равишда янги дарвозабон харид қилишни режалаштирмаяпти, аммо клуб қуйидаги футболчиларни кузатмоқда:

• Барт Вербрюгген (“Брайтон”);
• Грегор Кобель (“Боруссия” Дортмунд);
• Диогу Кошта (“Порту”).

Клуб раҳбарияти айниқса 23 ёшли нидерландиялик Вербрюггенни келажак учун энг яхши вариант сифатида кўрмоқда. Кобель тажрибали ва ишончли вариант сифатида баҳоланмоқда, Диогу Кошта эса бош мураббий Жозе Моуриньонинг шахсий танлови ҳисобланади.

“Реал” ҳали ҳам Куртуани жаҳоннинг энг яхши дарвозабонларидан бири деб ҳисоблайди, аммо унинг соғлиғи ва жароҳатларга мойиллиги клубни хавотирга солмоқда. Сўнгги икки мавсум давомида бельгиялик голкипер турли сабабларга кўра 26 та расмий учрашувни ўтказиб юборган.