"Реал" "Ливерпуль" юлдузини сотиб олмоқчи

"Ливерпуль" ярим ҳимоячиси Флориан Вирц фаолиятини "Реал Мадрид"да давом эттириши мумкин.

Шу кунларда "Ливерпуль" футболчиси Флориан Вирцнинг "қироллик клуби"га ўтиши мумкинлиги ҳақидаги миш-мишлар кўпаймоқда. "Defensa Central" берган хабарларга кўра, агар Вирц ўзига билдирилган ишончни оқлай олмаса, "қизиллар" уни сотиб юбориши ҳам мумкин. Мадрид клуби эса футболчини арзонроқ нарх эвазига қўлга киритишни кўзламоқда. Маълум бўлишича, "қаймоқранглилар" германиялик футболчи учун 75 миллион евродан воз кечишга тайёр. "Transfermarkt" портали футболчини 130 миллион еврога баҳолаган. Мерсисайдликлар Вирцни "Байер"дан 125 миллион евро эвазига сотиб олган эди. 

Маълумот учун, 22 ёшли футболчи жорий мавсум барча турнирларда умумий 16 та учрашувда майдонга тушиб, 3 та голли узатмани амалга оширган.