“Real” “Liverpul”ga muhim xabar yubordi

“Real” mutasaddilari “Liverpul”ni jamoa tarbiyalanuvchisi va asosiy himoyachilaridan biri Trent Aleksander-Arnoldni “Qirollik klubi”ga ko‘shib olishni rejalashtirayotganidan xabardor qildi.

Aslida madridliklar yozda erkin agentga aylanadigan futbolchi masalasida rasman ogohlantirishga majbur emas. Har qanday jamoa shartnoma tugashiga yarim yil qolgan o‘yinchilar bilan muzokara boshlashi va dastlabki bitimni tuzishi mumkin.

“Real” rahbariyati “Liverpul” klubiga hurmat yuzasidan ularni o‘z rejalaridan boxabar qildi.

“Liverpul” o‘ng qanot himoyachisi bo‘lgan Trent bilan hamkorlikni uzaytirish uchun muzokara olib borayotgan edi. Biroq angliyalik futbolchi muhitni o‘zgartirishni maqsad qilgan va klubdan bo‘layotgan takliflarni qabul qilgani yo‘q.