“Реал Мадрид” Арбелоани қачон истеъфога чиқариши маълум бўлди

“Реал Мадрид” бош мураббийи Альваро Арбелоа катта эҳтимол билан мавсум сўнгида ўз лавозимини тарк этади. Бу ҳақда The Athletic нашри хабар бермоқда.

Манбага кўра, клуб президенти Флорентино Перес Арбелоа ўрнига бир нечта номзодларни кўриб чиқмоқда. Улар орасида Юрген Клоппнинг жамоа устози бўлиш эҳтимоли юқори баҳоланмоқда. Бироқ ҳозирча у билан алоқалар ўрнатилмаган. Шунингдек, Дидье Дешам ҳамда Маурисио Почеттино ҳам асосий номзодлар қаторидан жой олган.

Маълумот учун, “қаймоқрангликлар” Европа Чемпионлар лигасининг чорак финалида “Бавария”га мағлуб бўлиб, мусобақа билан хайрлашди.