“Реал Мадрид” “Барселона”нинг 8 йиллик молиявий ҳисоботларини талаб қилди

"Реал Мадрид" 2010–2018 йиллар давомида "Барселона"нинг молиявий фаолияти бўйича ҳисоботларни тақдим этишни талаб қилди

Мадрид клуби каталонияликлардан қуйидаги маълумотларни сўрамоқда:

 2010–2018 йиллар давомида "Барселона"нинг ички аудит бўйича барча ҳужжатлари тўпламини;
2010–2018 йиллар учун клубнинг молиявий фаолияти ҳақидаги йиллик ҳисоботларни;
шу даврга оид солиқ қўмитаси йиғилишлари ҳисоботларини.

"Реал" нима сабабдан "Барселона" ҳакамлар техник қўмитаси вице-президенти Хосе Мария Энрикес Негрейрага миллионлаб евро тўлаганини аниқламоқчи. Аввал хабар қилинганидек, клуб 2016–2018 йиллар оралиғида Негрейрага 1,4 миллион евро тўлаган.

28 октябрь куни Испания прокуратураси "кўк-анорранглилар"ни ҳакамлар техник қўмитасининг собиқ вице-президенти иши бўйича гумонланувчи томон сифатида судга чақиргани маълум қилинган.

Маълумот учун, Ханси Флик бошчилигидаги жамоа айни пайтда Ла Лига турнир жадвалида пешқадам бўлиб турибди.