"Реал Мадрид" футболчилари Анчелоттининг келажагидан ҳавотирда

"Реал Мадрид" футболчилари Карло Анчелотти устидан босим кучайиб бораётганидан хавотирда.

Куни кеча мадридликлар Чемпионлар лигаси умумий босқичи 3-тури доирасидаги Дортмунднинг "Боруссия" клубини мағлуб этишди(5:2).

"Маrcа" нашрининг хабарига кўра, ўша ўйиннинг танаффус вақтида футболчилар ўйин ва жамоанинг сўнгги пайтларда қайд этаётган натижаларини муҳокама қилишган. Уларнинг суҳбатида жамоа раҳбарияти мураббийни тушкунликка солиб қўядиган ишлар қилмоқда деган сўзларни айтишган.

Қайд этилишича, футболчилар Анчелотти ва унинг ғояларини тўлиқ қўллаб-қувватлаб, мураббийнинг "Реал Мадрид"даги келажаги ҳақида қайғуришмоқда. 

Барча футболчилар мазкур гап-сўзларни унутиб, навбатдаги ўйин - "эл-класико" ҳақида фикр юритмоқда. Улар мураббий учун ҳам азалий рақибларига қарши беллашувда ижобий натижа қайд этишларига умид қилмоқда.