"Реал Мадрид" футболчилари ЕЧЛда покер амалга оширганида якунда клуб қандай натижалар қайд этган?

"Европа Чемпионлар лигасида "қироллик клуби" футболчилари покер қайд этганда якунда жамоанинг натижалари қандай бўлган эди?

Мадридликларнинг ЕЧЛда илк бор покер муаллифи бўлган футболчи, жамоа афсонаси Альфредо Ди Стефано ҳисобланади. У 1957-58 йилги мавсумда "Севилья"га қарши бўлиб ўтган ўйинда ўз ҳисобига 4 та гол ёздириб қўяди. Мавсум якунида эса "қаймоқранглилар" UEFA Чемпионлар кубогида ғалаба қозонади.

1958-59 йилги мавсумда ҳам айнан Ди Стефано яна покер қайд этади. Бу сафарги рақиб эса Австриянинг "Винер" клуби эди. Мусобақа якунида "қироллик клуби" турнир бош соврини қўлга киритади.

Орадан 1 йил ўтиб яни 1969-60 йилги мавсумда "Реал"нинг венгриялик форварди Ференц Пушкаш "Айнтрахт" дарвозасига 4 тўп киритади. Мавсум сўнгида эса испан гранди яна мусобақа бош совринини боши узра баланд кўтаради.

1965-66 йилги мавсум Чемпионлар кубогида яна ўша Пушкаш покер қайд этади. "Фейенорд"га қарши бўлиб ўтган ўйин Пушкашнинг бенефисига айланган эди. Бу гал ҳам "Реал" турнирда ғолибликни тантана қилган эди.

Янги ном остида ўтаётган турнирда биринчи поккер қайд этган "Реал Мадрид" футболчиси эса Криштиану Роналду ҳисобланади. У 2015-16 йилги мавсумда португалиялик страйкер "Малмё" билан ўйинда ўз ҳисобига 4 та гол ёздириб қўйган. Ўша мавсумда ҳам "қироллик клуби" мавсумни ЕЧЛ ғолиблиги билан якунлаган эди. 

Жорий мавсумда эса Килиан Мбаппе "Олимпиакос"га қарши бўлиб ўтган баҳсда покер қайд этди.  Агар анъана давом этса, "қаймоқранглилар" жорий мавсумда ҳам чемпионликни тантана қилиши керак.

Мадридликлар жорий мавсум ЕЧЛнинг 5-туридан сўнг 12 очко билан 5-поғонани банд этиб турибди.