"Real Madrid" katta transfer uchun harakatni boshladi

"Real Madrid" "Arsenal" himoyachisi Vilyam Salibaga bo‘lgan qiziqishini kuchaytirdi. Bu haqda "TodoFichajes" nashri xabar bermoqda.

Manba ma’lumotlariga ko‘ra, Madrid klubi 24 yoshli Salibani mudofaa chizig‘ini mustahkamlash uchun eng munosib nomzod deb hisoblamoqda. Biroq, transfer narxi yuqori bo‘lishi kutilmoqda. 

"Qaymoqranglilar" futbolchiga 100 million evrodan ortiq mablag‘ taklif qilishga tayyor. Shu bilan birga, "Arsenal" Salibani o‘z safida saqlab qolishga intilmoqda va frantsiyalik futbolchiga yangi shartnoma taklif etmoqchi.

Ma’lumot uchun, futbolchining amaldagi shartnomasi 2027 yilning yarmiga qadar amal qiladi. Saliba joriy mavsumda 39 ta o‘yinda ishtirok etib, 2 ta gol urdi.