"Реал Мадрид" нишонидаги ҳимоячи билан келишувга эришди

Трент Александер-Арнольд "Реал Мадрид" билан шартнома имзолашга рози бўлди. Бу ҳақда журналист Саша Тавольери хабар берди.

Инсайдернинг маълум қилишича, "Ливерпуль" ҳимоячисининг агентлари Мадрид клуби билан шахсий шартнома шартлари бўйича келишувга эришган.

Трент "Реал" билан 5 йиллик шартнома имзолайди - бу шартнома 1 июлдан, яъни ҳимоячининг эркин агентга айланганидан сўнг кучга киради.

Таъкидланишича, "Реал" Трентга ҳар мавсумда тахминан 15 миллион евро таклиф қилишга тайёр. "Ливерпуль"да эса ҳимоячининг йиллик маоши 11 миллион еврони ташкил этади.