“Реал” Манчестерни ушлаб турган ҳимоячини олиб қўймоқчи

“Реал” бош мураббийи Карло Анчелотти келаси мавсум олдидан ҳимоя чизиғини кучайтиришга қарор қилди.

Defensa Central нашрининг маълум қилишича, мадридликлар “Манчестер Юнайтед”нинг марказий ҳимоячиси Лисандро Мартинесни ўз сафига қўшиб олмоқчи.

24 ёшли ҳимоячи ёзда “Аякс”дан Манчестерга кўчиб ўтганди. Унинг бўйи нисбатан пастлиги учун кўп мутахассислар футболчининг имкониятига шубҳа билан қараганди. Лекин Лисандро қисқа фурсатда “Манчестер Юнайтед”нинг ҳимоя чизиғида етакчиликни қўлга олди.

Аргентиналик ўйинчи “Манчестер Юнайтед”га ўтганидан бери 21 та учрашувда қатнашгани унинг асосий таркибдан муқим ўрин эгаллаганини билдиради.