"Реал" Марселога ўринбосар топди

"Арсенал" чап қанот ҳимоячиси Киран Тирни фаолиятини Ла Лигада давом эттириши мумкин, дея ёзмоқда todofichajes.com.

Манбанинг хабарига кўра, мадридликлар ёзда жамоани тарк этиши кутилаётган Марсело ўрнини "канонирлар" футболчиси билан тўлдирмоқчи. Марселога "Ювентус" клуби қизиқиш билдирмоқда. 

Тирнининг Лондон клуби билан амалдаги шартномаси 2024 йилгача мўлжалланган. Ҳимоячининг трансфер нархи 30 миллион еврога баҳоланмоқда.

Жорий мавсум 23 ёшли шотланд 23та ўйинда майдонга тушиб, 1та гол урган ҳамда 3та голга ассистентлик қилган.