"Real" Marseloga o‘rinbosar topdi

"Arsenal" chap qanot himoyachisi Kiran Tirni faoliyatini La Ligada davom ettirishi mumkin, deya yozmoqda todofichajes.com.

Manbaning xabariga ko‘ra, madridliklar yozda jamoani tark etishi kutilayotgan Marselo o‘rnini "kanonirlar" futbolchisi bilan to‘ldirmoqchi. Marseloga "Yuventus" klubi qiziqish bildirmoqda. 

Tirnining London klubi bilan amaldagi shartnomasi 2024 yilgacha mo‘ljallangan. Himoyachining transfer narxi 30 million evroga baholanmoqda.

Joriy mavsum 23 yoshli shotland 23ta o‘yinda maydonga tushib, 1ta gol urgan hamda 3ta golga assistentlik qilgan.