"Реал" Мбаппенинг жароҳатини текширишда текширишда хато қилган

Мадриднинг "Реал" клуби ҳужумчи Килиан Мбаппенинг тиззасини текшириш пайтида дастлабки ташхис қўйишда хатога йўл қўйган. Франциялик форварднинг чап тиззаси ўрнига шифокорлар ўнг тиззани текшириб чиққан. Бу ҳақда COPE журналисти Мигель Анхель Диас хабар берди.

Диас аввалроқ журналист Даниэль Риоло айтган маълумотни тасдиқлади. Унга кўра, "қаймоқранглилар" тиббий штаби ҳақиқатан ҳам текширув вақтида хато қилган.

Эслатиб ўтамиз, Риоло аввалроқ Мбаппе шифокорлар нотўғри текширув ўтказганини билганидан кейин норозилик билдиргани ва жаҳли чиққанини ҳам маълум қилган эди.

Жорий мавсумда футболчи барча мусобақалар доирасида 35 та ўйинда майдонга тушиб, 38 та гол урди ва 6 та голли узатмани амалга оширди.