"Реал" Мората ва Данилоларнинг трансферидан тушган пулни Мбаппега сарфламоқчи

Мадриднинг “Реал” клуби ўз сафига “Монако”нинг ёш тўпурари Килиан Мбаппе қўшиб олиш фикридан ҳамон қайтгани йўқ.

Goal нашрининг маълум қилишича, “қироллик клуби” яқинда сотган икки футболчисининг (Альваро Мората 80 млн евро, ҳамда Данило 30 млн евро) трансферидан тушган маблағни айнан 18 ёшли Франция терма жамоаси аъзоси учун сарфламоқчи.

Таъкидлаш лозимки, агар Мбаппе “Реал”га ўтса, бу футбол тарихидаги рекорд трансфер бўлиши мумкин. Агар, бордию мадридликларнинг ушбу режаси амалга ошмай қолса, у ҳолда улар “Боруссия Д” ҳужумчиси Пьер-Эмерик Обамеянг учун “ов” бошлайди.

Эслатиб ўтамиз, айни дамда Мбаппега шунингдек Каталониянинг “Барселона” клуби ҳам жиддий қизиқиш билдирмоқда.