"Реал" Моуриньо ўрнига икки супермураббий топиб қўйди

Мадриднинг «Реал» клуби раҳбарияти испаниялик мутахассислар Сеск Фабрегас ва Микель Артета фаолиятини юқори баҳоламоқда. Бу ҳақда The Touchline нашри хабар берди.

Манба маълумотига кўра, «қироллик клуби» келгуси йилларда жамоага янги бош мураббий тайинлаш масаласини олдиндан ўргана бошлаган. 

Клубда янгиланиш ва қайта қуриш даври келиши муқаррар экани тушунилади ва шу жараёнда Фабрегас ҳамда Артета номзодлари жиддий кўриб чиқилаётгани айтилмоқда. Ҳар икки мутахассис ҳам қисқа вақт ичида ўзини кўрсата олди ва муайян ютуқларга эришган.

Эслатиб ўтамиз, ўтган ёзда «Реал» бош мураббийи лавозимида ўзгариш бўлган эди: жамоани Жозе Моуриньо қабул қилиб олди ва у Альваро Арбелоани алмаштирди.

Ҳозирча эса Моуриньо бошчилигидаги «Реал» Испания Ла Лигасида тўрт турдан сўнг тўплаган тўққиз очко билан турнир жадвалида учинчи ўринни эгаллаб турибди.